Kryetari i Partisë së Lirisë, Ilir Meta ka reaguar pasi Prokuroria e Posaçme njoftoi se ka nisur hetimet për të për shkak të denoncimit të bërë më herët në SPAK nga ish deputeti Halit Vlteri.
Në një postim në rrjetet sociale, Meta ka publikuar edhe një tjetër kërkesë që kreu i SPAK, Arben Kraja ka bërë lidhur me verifikimet për gjeneralitetet e ish-kreu të shtetit, ndërsa një paralajmërim ka dhe për kryeministrin Edi Rama.
“Meqënëse spurdhjaku i partisë ka vendosur t’i shërbejë hapur mafies së inceneratorëve në panik ju lutem njihuni edhe me një kërkesë tjetër serioze për karagjozët më të mëdhenj të Ramaformës. Shtatori po vjen dhe Drejtësia e Popullit nuk do ndalet më! Ramoviçin asgjë nuk e shpëton dot më!”, shkruan Meta.
Kërkesa e SPAK-ut vjen në kuadër të nisjes së hetimeve për skandalin për lobim në SHBA me 1.2 milionë USD të padeklaruara. Kallëzimin e ka depozituar në SPAK ish deputeti Halit Valteri.
Në 16 maj, gazetar e madhe austriake, “Kronen Zeitung” hapi faqen e pare ku akuzoi se presidenti Ilir Meta se pagoi 700,000 mijë dollarë për lobim përmes një kompanie qipriote guaskë, që të siguronte një foto në ceremoninë e inagurimit të Presidentit Amerikan Donald Trump.
Sipas dokumenteve gjyqësore amerikane, 700,000 dollarë kanë kaluar përmes kompanisë offshore Dorelita Limited. Gazeta e njohur denoncoi edhe shpenzimet e tjera për lobim të çiftit presidencial, madje edhe ndërhyrjet e çuditshme estetike dhe të shtrenjta të Zonjës së Parë, Monika Kryemadhi. Meta mohoi të ketë lidhje me një lobim të tillë, ndërsa të njëjtën gjë bëri dhe Kryemadhi.
Discussion about this post