Gjykata e Apelit të Posaçëm ka caktuar datën për zhvillimin e seancës ndaj ish-ministrit të Mjedisit Lefter Koka, i cili akuzohet se është i përfshirë në aferën e inceneratorëve.
Pas apelimit të vendimit të tij dhe kërkesës për masë më te butë sigurie, togat e zeza të apelit vendosën se shqyrtimi i kësaj çështje të zhvillohet më datë 2 janar ora 10:30.
Disa ditë më parë, ish-ministri i Mjedisit ka depozituar kërkesën për liri në Gjykatën e Apelit. Mësohet se dy avokatët e Kokës, Fatmir Braka dhe Jualin Mërtiri argumentuan kërkesën për ta liruar klientin e tyre bazuar në faktin që ish-ministri nuk ka rrezikshmëri shoqërore dhe se do të bashkëpunojë me drejtësinë.
SPAK e akuzon Lefter Kokën për shpërdorim të detyrës, pastrim të parave dhe korrupsion për inceneratorin e Elbasanit, ndërkohë që në kërkim janë Klodian Zoto dhe Stela Gugallja.
Discussion about this post