Për arrestimin e ish-Ministrit të Mjedisit, Lefter Koka, SPAK ka dalë me një njoftim publik ku thotë se duke u bazuar në kallëzimit penal të kryer nga Partia Demokratike e Shqipërisë dhe kallëzimit penal të Lëvizja Socialiste për Integrim për çështjen e koncesionit të Inceneratorit të Elbasanit, është provuar shkelja në procedura.
Në njoftimin e SPAK thuhet se është provuar se për këtë koncension nuk janë kryer të plota veprimet përgatitore për dhënien e koncensionit dhe është bërë në kundërshtim të ligjeve. Për këtë, janë sekuestruar pasuritë e ish-Ministrit të mjedisit Lefter Koka. Të sekuestruara janë edhe të dyja shoqëritë e përfshira, “Albtek Energy” dhe “Integrated Technology Services”.
Koka akuzohet për veprat penale “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”
“Po kështu, me vendimin nr.484 akti, datë 13.12.2021 të Gjykatës Posaçme të Shkallës së Parë për Korrupsionin dhe Krimin e Organizuar Tiranë, është vendosur:
Caktimi i masës së sigurimit pasurore “sekuestro preventive” për personin juridik “Albtek Energy” sh.p.k., me seli qendrore në Elbasan, së bashku me pasuritë e paluajtshme dhe të luajtshme në pronësi të tij, si pasuri që është përdorur për kryerjen e veprave penale.
Caktimi i masës së sigurimit pasurore “sekuestro preventive” për personin juridik “Integrated Technology Services” sh.p.k., me seli qendrore në Tiranë, së bashku me pasuritë e paluajtshme dhe të luajtshme në pronësi të tij, si pasuri që është përdorur për kryerjen e veprave penale.
Caktimi i masës së sigurimit pasurore “sekuestro preventive” për pasurinë në zotërim të shtetasit L.K., të “88, 19 %” të aksioneve në pronësi të tij në shoqërinë tregtare “Kantina e Pijeve Gjergj Kastrioti Skënderbeu” sh.a., me Nipt J61811527M, me seli në Rrashbull, Durrës, që iu korespondon vlera prej 972 lekë, si pasuri ekuivalente me një pjesë të produkteve të veprës penale” – thuhet në njoftimin e SPAK.
Discussion about this post