Fatos Tushe, kryetari i Bashkisë Lushnje është ndaluar nga Policia. Mësohet se Tushe është ndaluar në kuadër të një operacioni të organizuar nga Prokuroria e Posaçme Kundër Korrupsionit dhe Krimit të Organizuar dhe të zhvilluar nga forcat RENEA. Operacioni anti-korrupsion ka nisur mëngjesin e sotëm.
Burime për Gijotina.com se janë 10 urdhër-arreste që janë prerë nga SPAK, ndërsa janë ekzekutuar 5 prej tyre. Mes të arrestuarve janë vartës të Tushes dhe biznesmenë. Operacioni është shtrirë në Ndërmarrjen e Pasurive Publike në Lushnje, ku është janë shoqëruar disa persona nga zyra e Urbanistikës dhe Kadastrës.
Zyrtarët e ndaluar bashkë me Tushen akuzohen se kanë kryer veprën penale të “Korrupsionit pasiv” dhe abuzime me tenderat e bashkisë, në lidhje me pastrimin e qytetit.
