Elvana Gjata, këngëtare e njohur, po hetohet nga SPAK lidhur me pasurinë e saj, pas zbërthimit të bisedave në “Sky ECC” që çoi në arrestimin e disa personave, mes të cilëve edhe Erzen Breçanit dhe u shpall në kërkim Ervin Mata, ish-partneri i Gjatës.
Nga bisedat e zbardhura, që gjenden në dosjen e SPAK, rezulton se Mata ka përdorur llogarinë bankare të këngëtares për transferta të shumave që arrijnë në 500 mijë euro, sikundër ishte një rast, çka ka implikuar Gjatën në hetimet e SPAK lidhur me pasurinë e saj.
Pas publikimit të pjesëve të dosjes, këngëtarja reagoi në rrjetet sociale, duke publikuar një poster, që njoftonte koncertin e saj të rradhës.
Ndërkohë sot, sipas raportimeve, Elvana Gjata, ndodhet në Vlorë, atje ku në Pallatin e Sportit po mbahet një koncert, në 111 vjetorin e shpalljes së Pavarësisë.
Koncerti është organizuar me mbështetjen e bashkisë dhe operatorëve turistikë lokalë ku kanë performuar Eugent Bushpepa, Irma Libohova dhe Gerta Mahmutaj, ndërkohë që pritet edhe performanca e Elvana Gjatës.
Discussion about this post