Pas Presidencës vjen edhe reagimi i SPAK ndaj deklaratës së kryeministrit Edi Rama. Ky i fundit tha sot në një deklaratë nga Asambleja se SPAK nuk po bën si duhet punën e tij, pasi që në vend që të hetojë të korruptuarit e drejtësisë që u nxorën jashtë sistemit në kuadër të procesit të vetting-ut heton kampionin e reformës Ardian Dvoranin.
Prokurorinë e Posaçme kundër Korrupsionit dhe Krimit të Organizuar nuk ka pranuar kritikat e tij dhe një deklaratë për mediat ka thënë se në këtë institucion nuk ka zyrtarisht një çështje të ngritur ndaj Dovranit.
SPAK tha gjithashtu se më herët me kërkesë të tij, Gjykata e Posaçme pushoi një çështje ndaj gjyqtarit Dvorani. Ky vendim është lënë në fuqi edhe nga Gjykata e Apelit të Posaçëm.
Dvorani u kallëzua penalisht nga Presidente Ilir Meta dhe mes tyre pati një përplasje të fortë që përfundoi në dyert e gjyqësorit. Pas muajsh të tërë hetime SPAK vendosi ta pushojë kallëzimin e Ilir Metës pasi nuk gjeti element të veprës penale të kryera nga zoti Dvorani gjatë kohës që ai drejtonte KED-në.
Discussion about this post