SPAK ka sekuestruar 25 pasuri të luajtshme dhe të paluajtshme ndaj një grupi kriminal të dënuar në Belgjikë, konkretisht ndaj D.D dhe familjarët e tij, D.S., B. A., A. H, L.V., dhe D. H., në kuadër të një procedimi pasuror që po zhvillohet në Shqipëri.
D.D dhe familjarët e tij, D.S., B. A., A. H, L.V., dhe D. H., janë subjekte të hetimit pasuror “Për parandalimin dhe goditjen e krimit të organizuar, trafikimit, korrupsionit dhe krimeve të tjera nëpërmjet masave parandaluese kundër pasurisë”, pasi rezultojnë të dënuar në Mbretërinë e Belgjikës për veprat penale të “Vjedhjes”, në bashkëpunim në formën “Grupit të strukturuar kriminal”, “Grupit të strukturuar kriminal”, njofton prokuroria.
Sipas hetimeve të deritanishme, pasuritë e luajtshme dhe ato të paluajtshme që u vendos sekuestrimi, rezultojnë të pajustifikuara nga burime të ligjshme dhe prezumohen se janë rezultat i veprimtarisë kriminale së tyre.
Pasuri të sekuestruara:
- Pasuri të paluajtshme: 9
- Subjekte tregtare: 1 (“GUARD SECURITY”)
- Automjete dhe mjete motorike: 6 (3 automjete + 3 motorë)
- Shuma monetare:
- Euro: 77,360 €
- Lekë: 2,055,000 lekë
- Paund britanik: 1,150 £
- Orë dore të markave të ndryshme: 52
- Bizhuteri: mbi 35 copë
- Monedha ari: 32
- Pajisje elektronike: 15
- Laptopë: 2
- iPad: 5
- Kamera/aparate fotografike: 8
Sendet me vlerë, si ora, bizhuteri, monedha ari, automjete dhe mjete motorike janë sekuestruar më parë në kuader të ekzekutimit të kontrolleve të banesave të këtyre shtetasve për llogari të kerkesave për ndihme juridike të autoriteteve belge.
Discussion about this post