Për Luciano Spallettin ka ardhur momenti i së vërtetës. Trajneri toskan është gati të bëjë debutimin e tij zyrtar si trajner i Italisë, mbrëmjen e së shtunës në Shkup kundër Maqedonisë së Veriut, ndeshje e vlefshme për kualifikueset e Euro 2024. “Gli Azzurri”, aktualisht të tretët në Grupin C, duhet patjetër të fitojnë për të ndjekur hapin e Anglisë dhe Ukrainës, të cilat do të zhvillojnë takimet e tyre disa orë para sfidës së Italisë. Spalletti hyn në ndeshje pa Chiesa dhe Pellegrini, të dëmtuar gjatë stërvitjes së sotme.
“Ne duhet të jemi në gjendje të emocionojmë të gjithë italianët – fjalët e Spalletti për Sky Sport pak para konferencës – Ne duhet të marrim një rezultat pozitiv, por gjithashtu të krijojmë një ndjenjë dashurie te tifozët tanë. Përmes asaj që bëjmë në fushë, ne duhet të krijojmë një koneksion me italianët.
Pastaj natyrisht gjithçka do të varet nga rezultati në fushë, vetëm kjo do të tregojë nëse jemi vërtet Itali, tani për tani jemi vetëm ‘të përzgjedhurit'”.
Mungesat e Chiesa dhe Pellegrini janë shqetësuese deri në një pikë: “Ata janë sigurisht lojtarë të rëndësishëm, por ka edhe të tjerë. Ne kemi një histori të rëndësishme pas nesh, pjesë e së cilës është dhe Buffon, për shembull. Është një histori e bukur, nga e cila ne mbajmë me vete disa plagë. Duhet t’i shërojmë këto plagë.”
Trajneri i ri i ka të qarta idetë për filozofinë e lojës: “Ne do të përpiqemi të jemi një ekip, do të përpiqemi të bëjmë lojën tonë.
Megjithatë, duhet t’i lëmë hapësirë edhe kreativitetit dhe imagjinatës, atyre që janë në gjendje për të parë linja kalimi që askush tjetër nuk i sheh.
Ne kemi nevojë për një ambient të lumtur. Isha shumë i lumtur që pashë djemtë në fushë këtë javë, jam i sigurt përpara ndeshjes.”
Spalletti foli edhe për televizionin shtetëror italian, duke iu rikthyer çështjes së mungesave: “Më falni, por ne përdorëm metodat e një klubi.
Ne nuk këmbëngulëm dhe në paralajmërimin e parë për një problem të vogël i lamë të lirë. Kush luan në vend te Chiesas? Zaccagni eshte zëevendësuesi natyral, Raspadori di ta bëjë sepse ka luajtur në atë rol, kohët e fundit edhe te Napoli. Pastaj ka të tjerë gjithashtu…”.
“Do të emocionohem kur të dëgjoj himnin. Është hera e parë që kam një president që më blen të gjithë lojtarët që kërkoj dhe më tha se mund të blejë edhe të tjerë… Kjo më bën shumë të qetë, sepse kam zgjedhur të gjitha vetë dhe dua përgjigjen e duhur prej tyre.
Nesër mbi të gjitha është qëndrimi, nuk duhet të ndihemi kurrë viktima, por gjithmonë të kërkojmë atë për të cilën kemi folur gjatë gjithë javës. Shpresa është gjithmonë që rezultati të jetë pasojë e këtij qëndrimi.
Kemi futbollistë të fortë, gjithçka. që duhet për të luajtur futboll të mirë. Ne kemi nevojë për organizim, dhe e kemi diskutuar shumë, por pa e mbyllur kurrë krijimtarinë e futbollistëve të talentuar. Do të ketë edhe momente në të cilat duhet të mbrohemi duke qenë 9 veta prapa vijës. topin siç bëjnë skuadrat e mëdha, por synimi ynë është gjithmonë të bëjmë ata që na duan të bien në dashuri me ne. Ne duhet të demonstrojmë atë pasion që i bën të gjithë italianët krenarë.”
Discussion about this post