Luciano Spalletti është nderuar nga liga italiane me çmimin e trajnerit më të mirë të sezonit. Dhënia e trofeut do të bëhet në prag të ndeshjes Napoli-Sampdoria në stadiumin “Diego Armando Maradona”. Çmimi u akordua nga një juri e përbërë nga drejtorë të gazetave sportive, të cilët vlerësuan trajnerët në bazë të kritereve tekniko-sportive dhe cilësisë së lojës së shprehur nga skuadrat e tyre, si dhe sjelljes/lojës së ndershme gjatë ndeshjeve. Për llogaritjen përfundimtare janë marrë në konsideratë të gjitha ndeshjet e Serisë A TIM 2022/2023.
“Sezoni i Luciano Spallettit në krye të Napolit ishte thjesht i jashtëzakonshëm – tha Luigi De Siervo, CEO i Lega Serie A – Fitimi i Scudetto-s së tretë, arritje historike për napolitanët, 33 vjet pas të dytit nga Maradona, është rezultat i angazhimit të madh nga klubi dhe puna e një tekniku të përgatitur mirë dhe karizmatik, i aftë për të integruar të ardhurit e rinj në mënyrën më të mirë të mundshme dhe për të përmirësuar lojtarët tashmë të pranishëm në skuadër. “Azzurri” në fakt ishin në gjendje të imponoheshin që në ditët e para jo vetëm për rezultatin, por edhe për lojën spektakolare, duke shprehur një nga futbollit më të vlerësuar në nivel ndërkombëtar”- deklaroi De Siervo.
Spalletti, tashmë, dihet që do të largohet nga klubi kampan, duke theksuar se do të bëjë një vit pushim. Megjithatë, në futboll, e ardhmja nuk parashikohet aq lehtë me teknikun që, pse jo, mund ta shohim në pankinën e ndonjë klubi të njohur, qoftë dhe në Premier League.
Discussion about this post