E përditshmja spanjolle ‘El Pai’s raportoi se Spanja pritet të dërgojë tanke luftarake Leopard 2 në Ukrainë.
Qeveria e kryeministrit Pedro Sanchez kishte rënë dakord më herët të dërgonte tanke luftarake të prodhimit gjerman për sa kohë që ekzistonte një plan i koordinuar në nivel evropian, shkruante e përditshmja.
Detajet e kontributit spanjoll janë ende duke u vlerësuar nga Ministria e Mbrojtjes dhe e Jashtme, si dhe zyra e Sanchez.
‘El Pais’ raporton se ushtria spanjolle ka 108 tanke kryesore luftarake Leopard 2, modeli që Ukraina dëshiron të ndalojë avancimin e Rusisë.
Pas javësh hezitimi, kancelari gjerman Olaf Scholz ka konfirmuar se qeveria e tij do të dërgojë 14 tanke Leopard në Ukrainë. Scholz tha gjithashtu se Gjermania do të lejojë aleatët e tjerë si Polonia të dërgojnë tanket e tyre Leopard në Ukrainë.
Vendimi erdhi pasi zyrtarët amerikanë thanë se ishte arritur një marrëveshje paraprake që Shtetet e Bashkuara të dërgonin tanke M1 Abrams për të ndihmuar Kievin të zmbrapsë forcat ruse të vendosura në lindje të vendit.
Discussion about this post