Spanja ka mundur me rezultatin 2-1 Gjermaninë pas 120 minutave lojë në Shtutgart, duke u kualifikuar kështu në gjysmëfinalen e Europianit.
Spanjollët e filluan ndeshjen me “marshin e pestë”, duke shkaktuar drithërima te kundërshtarët, me anë të Pedrit. Ekipi i Nagelsmann ndërmerr iniciativën për herë të parë në këtë takim në minutën e 10-të, por finalizimi nuk ishte i duhuri.
Në të 14-tën, Yamal provoi nga goditja e dënimit, duke i shkuar shumë afër golit. Në të 20-tën, në krahun tjetër, radhën e pati Havertz, koordinim perfekt me kokë por gjuajtja ishte qëndrore. Në pjesën e mbetur të fraksionit, skuadrat u treguan të kujdesshme, për të mos rrezikuar shumë përpara.
Ekipi i de La Fuentes festoi në minutën e 50-të, Olmo ndëshkoi Neuer në brendësi të zonës, pas një topi të dhënë nga Yamal.
Gjermania shtoi presionin dhe zhvendosi kundërshtarin në gjysmëfushën e vetë. Fyllkryg, pak më vonë, tentoi me kokë, pa rezultat. Sulmuesi ishte një rrezik konstant, vetëm shtylla e ndali në të 76-tën. Me portierin e dalë nga zona e tij, Havertz s’pati shënjestrën e duhur për të mbyllur një herë e mirë llogaritë e takimit. Florian Virtz çoi peshë zemrat e tifozëve, goli i tij dërgoi sfidën në shtesë.
Koha shtesë solli shumë polemika, pas një prekje të topit me dorë nga Cucurella brenda zonës, por Anthony Taylor nuk e cilësoi si një penallti.
Goli i “La Rojas” erdhi vetëm në minutën e 119’ nga Merino, duke sjellë dhe gjysmëfinalen për ekipin e De La Fuentes.
Nga ana tjetër, organizatorët e Gjermanisë, eliminohen përfundimisht nga ky turnament.
SPANJË 2-1 GJERMANI
Olmo 51′, Merino 119′ / Wirtz 89′
119′ GOOOL SPANJA 2-1/ Merino godet me kokë dhe e çon topin në rrjetë.
109′ Musiala godet dhe topi ndalet nga Cucurella, me gjermanët që protestojnë për penallti.
(VIDEO)
89′ GOOOL GJERMANIA 1-1/ Wirtz merr një top në zonë dhe me të djathtën e çon në rrjetë.
(VIDEO)
51′ GOOOL SPANJA 1-0/ Yamal pason për Olmon dhe ky i fundit godet drejt rrjetës.
(VIDEO)
gijotina.com/
Discussion about this post