Spanja ka fituar për herët të katërt në historinë e saj trofeun e Kampionatit Europian të futbollit.
Në “Olympiastadion” të Berlinit u luajt një ndeshje mëse e denjë për një finale ku në fund djemtë e Luis de la Fuente dolën triumfues me rezultatin 2-1 ndaj Anglisë.
Të gjithë golat e sfidës erdhën në pjesën e dytë, ku fillimisht ishte, Nico Williams i cili shfrytëzoi më së miri një pasim të Yamal, duke dërguar topin në rrjetën e Pickford, në minutën e 47’-të.
Avantazhi zgjati për plot 26 minuta, deri sa në të 73’-të, ku “fantazisti” i Chelsea, Cole Palmer merr një pasim të shkurtër nga Bellingham dhe me një goditje potente, tokazi, nga një distancë e largët tund rrjetën e Unai Simon, për të vendosur barazpeshën.
Mirëpo, asgjë nuk do të mbaronte me kaq. Në minutën e 85’-të, Mikel Oyarzabal do të kapte në mënyrën më të bukur të mundshme, një krosim, të Marc Cucurella dhe me një goditje të bukur me kokë dërgon topin në rrjetën e Pickford, për të nisur festën e skuadrës dhe tifozëve të tij.
Falë kësaj fitoreje, Spanja arrin të shpallet për herë të 4-t kampione e Evropës, duke parakaluar Gjermaninë dhe vendosur një rekord absolut, ndërsa Anglia mbetet në vend numëro me 0 trofe, duke humbur një tjetër shans pas finales së vitit 2021 ndaj Italisë.
Discussion about this post