Anglia dhe Spanja do të përballen në finalen e Europianit duke filluar nga ora 21:00.
Finalja e madhe e Berlinit do të përcaktojë se cila nga këto dy skuadra do të jetë ajo që do të çojë lart trofeun dhe do të konfirmohet si më e forta në kontinent.
Vëmendja është maksimale, teksa në Berlin pritet një numër i jashtëzakonshëm tifozësh, ndërkohë tashmë janë publikuar edhe formacionet zyrtare.
Për trajnerin De La Fuente, sot ishte më e lehtë të bënte formacionin titullar, pasi u kthyen nga pezullimi Carvajal dhe Le Normand, me të dy që do të luajnë nga minuta e parë.
Ndërkohë, te Anglia bie në sy aktivizimi i Luke Shaw nga minuta e parë në vend të Trippier. Ky i fundit kishte luajtur titullar të 6 ndeshjet e mëparshme te “Tre Luanët’, por Southgate ka vendosur t’i besojë lojtarit i cili ka vuajtur disa dëmtime radhazi e për këtë arsye ka qenë jashtë rreshtimit duke luajtur vetëm dy takime si zëvendësues.
Discussion about this post