Disa zona të Spanjës po përballen me temperatura të nxehta prej gati 40 gradë Celsius – një rritje e pazakontë në fund të majit – duke thyer rekorde në disa qytete.
Agjencia kombëtare e motit e Spanjës AEMET raportoi sot në X se temperaturat që varionin nga 35 deri në 39 gradë Celsius ishin regjistruar dje në disa qytete.
Në të kundërt, qyteti Cadiz regjistroi një temperaturë më të ulët rreth 24 gradë Celsius.
Paralajmërimi i dytë më i lartë për nxehtësinë u lëshua për rajonin e Seviljes në Andaluzi. Paralajmërimi portokalli nënkupton “rrezik serioz” për shëndetin, veçanërisht për fëmijët dhe personat me shëndet të dobët.
Temperatura të larta u regjistruan edhe në Madrid dhe Saragosë.
Në të kundërt, temperaturat në ishujt e njohur të pushimeve ishin të moderuara. Ne Majorkë u regjistruan temperatura 28 gradë Celsius dhe në Ishujt Kanarie 25 gradë Celsius.
AEMET parashikoi që vala e të nxehtit do të zgjasë të paktën deri të dielën. Kjo mund të shoqërohet në veri te vendit me breshër dhe erëra të forta.
Discussion about this post