Avokat Spartak Ngjela ka komentuar sot situatën në Partinë Demokratike. Sipas tij, fajin për krizën në PD e ka ish-kryeministri Sali Berisha, pasi po bën një betejë për interesat personale. Në një intervistë televizive, Ngjela shtoi se Basha ka mbështetjen e amerikënve dhe po vepron si pas t ashtu si duhej ndaj një personi të shpallur “non-grata. “Gjendja brenda PD nuk është normale por do themi se kush e ka fajin. Në cdo akt që mund të jetë edhe trazues duhet të gjejmë shkakun. Shkaku është Saliu, pse ta zgjasim. Cfarë ka ndodhur? Uashingtoni e nxori non-grata. Kjo është e vërteta, të analizojmë këtë jo pasionin. Basha, po ky ç’pati kur e di se e ka shkrepësen nën kësulë?
Këtu DASH ka nxjerrë teorinë se korrupsioni po godet zhvillimin rajonal. Basha ishte nën presion të së vërtetës. Të paktën Basha tha se më nxorën fakte. Cila është arsyeja që Saliu të bëjë revolucion? Ai kërkon që të destabilizojnë shoqërinë dhe më pas të shpëtojë. Por nuk shpëton dot. Unë di që Bashën e përkrah Uashingtoni. Rama është më i shqetësuari këtu sepse nëse PD shkon në Uashington do dalin fitimtarë”, tha ai.
Ndërsa duke iu referuar padisë që Berisha ka bërë në Gjykatën e Parisit, avokati thekson se një akt administrativ nuk mund të rrëzohet në Francë, por në gjykatën e atij vendi. “Shqipëria nuk mund të digjet për fatin e Sali Berishës, fatin e tij duhet ta kërkonte në Uashington sepse akti që të nxjerr non-grata ka një lloj afati ku mund ta ankimosh. Një akt administrativ nuk mund të rrëzohet në Francë, por në gjykatën e atij vendi”, ka deklaruar Ngjela. Sakaq, avokati tha se PD ka nëvojë për frymë të re.
Discussion about this post