Brazili dhe Meksika janë përballur në një ndeshje miqësore në Shtetet e Bashkuara të Amerikës, ku brazilianët aaritën të siguronin fitoren në fund të ndeshjes me rezultatin 3-2.
Ky duel spektakolar është zhvilluar në stadiumin Kyle Field në Teksas ku të pranishëm ishin 102 mijë tifozë.
Vetëm pas pesë minutave lojë, brazilianët kaluan në epërsi kur shënoi Anderson Perreira pas asistimit nga Savio për 1-0.
Edhe pjesa e dytë nisi mirë, pasi Yan Gusto asistoi te Gabriel Martinelli i cili realizoi për 2-0.
Meksikanët u rikthyen në lojë në fund të ndeshjes, pasi realizuan për 1-2 me Quinones në minutën e 71-të, para se Martinez të barazonte shifrat në 2-2 në minutën 90+2.
Kur u mendua se ndeshja do të përfundonte baras 2-2, në skenë doli dyshja e Real Madridit, Vinicius Junior – Endrick.
Sulmuesi anësor Vini Jr asistoi për mrekulli te 17-vjeçari Endrick i cili me kokë realizoi golin e fitores për Brazilin 3-2.
Discussion about this post