Ka përfunduar me fitoren e skuadrës së Real Madrid “El Klasikoja” e famshme. Madrilenët mundën në “Kamp Nou” skuadrën rivale të Barcelonës me rezultatin e ngushtë 2-1. Një ndeshje thuajse e barabartë teksa Barcelona kishte një epërsi të lehtë në kontrollin e lojës ndaj madrilenëve. Sfida u zhbllokua në minutën e 32 të takimit. Mbrojtësi David Alaba kaloi në avantazh Realin e Madridit duke heshtur të pranishmit në mitikun “Kamp Nou”. Pjesa e parë u mbyll me epërsinë e miqve teksa e dyta dhuroi dy gola të tjerë.
Spanjolli Lukas Vazkes në minutat shtesë realizoi golin e dytë për skuadrën e Real Madrid. Kur të gjithë presinin vërshëllimën finale të gjyqtarit të takimit vendasit ngushtuan diferencat me Kun Aguero i inkuadruar në fushë në pjesën e dytë. Në fund Reali gëzoi tre pikët ndaj rivalëve të përbetuar teksa Barcelona konfirmoi sërish se ndodhet në një krizë të madhe rezultatesh. Reali tashmë mban vendin e parë me 20 pikë teksa Barcelona renditen në vendin e 8 në kuotën e 15 pikëve.
