Bayern Munich dhe Borussia Dortmund u përballën në “Allianz Arena” në klasiken e Gjermanisë, e vlefshme për javën e 29-të të Bundesligës.
Të dyja ekipet vinin nga humbjet në mesjavë në Champions, por nëse bavarezët kanë ende shanse për të përmbysur shifrat, një gjë e tillë vështirë se mund të thuhet për verdhezinjtë.
Ndërsa në Bundesligë, Bayern duhet ishte më i motivuar pas hapit fals të Leverkusen, që barazoi pa gola në shtëpi ndaj Union Berlin. Dortmund kërkon pikët për të siguruar një vend për në Kupat e Europës për sezonin e ri.
Përsa i përket takimit të sotëm, pjesa e parë u mbyll në barazim të bardhë. Me fillimin e pjesës së dytë, Dortmund zhbllokoi rezultatin falë golit të Maximilian Beier. 22-vjeçari shënoi me kokë pas krosimit të Reyerson. SHIKOGOLIN
Bavarezët nuk u dorëzuan dhe përmbysën shifrat Brenda 3 minutave, fillimisht me Guerreiro në minutën e 65-të dhe më pas golin e dytë me Serge Gnabry në minutën e 68-të. SHIKOGOLIN
Në minutën e 75-të, erdhi goli i barazimit për verdhezinjtë me Anton. SHIKOGOLAT Shifrat nuk ndryshuan deri në fund. Pas këtij barazimi, Bayern kryeson 6 pikë më shumë se Leverkusen e vendit të dytë, kur duhen edhe 5 javë nga fundi. Dortmund renditet në vendin e tetë me 42 pikë, por ende ka shanse për një vend në Kupat e Europës për sezonin e ardhshëm.
Discussion about this post