Kategoria e Parë nis ditën e sotme javën e 10-të të saj me katër përballje shumë të forta. Kryesfida e kësaj javë është ajo mes Besës dhe Dinamos, me dy ekipet që vijnë në këtë ndeshje si forca e tretë dhe e dytë respektivisht e kampionatit. Kavajasit nuk njohin humbje në kampionat prej pesë ndeshjesh ndërsa blutë kanë çaluar dy ndeshje rradhazi me Flamurtarin dhe Korabin.
Një tjetër përballje e fortë është ajo mes Apolonisë dhe Tomorit në Loni Papuçiu. Fierakët dhe beratasit i ndajnë vetëm 1 pikë edhe pse janë në vendet 10 dhe 13 në renditje por vendasit kanë një ndeshje më pak.
Lushnja ka një mundësi të artë të largohet nga zona e ftohtë teksa pret Tërbunin në shtëpi. Në “Roza Haxhiu” vendasit janë të pamposhtur dhe do të tentojnë fitoren për të nisur ngjitjen në tabelë. Ndeshja tjetër është ajo mes Turbinës dhe Orikut. Të gjitha sfidat luhen në orën 13:00.
Ndeshjet e ditës:
Besa – Dinamo
Apolonia – Tomori
Lushnja – Tërbuni
Turbina – Oriku
Discussion about this post