Elisa Spiropali dhe Sali Berisha janë përplasur këtë të enjte në sallën e Kuvendit.
Spiropali iu drejtua Berishës me një sfide duke i thënë nëse është gati që të ‘çlirojë opozitën’ dhe të hapë rrugë.
“Edhe para protestës, edhe gjatë protestës unë kam folur për reformimin e pushtetit, nevojën për korrigjim, nevojën për të kaluar te sistemi i institucioneve, për vetëpastrim, luftën ndaj korrupsionit, nevojën për të kuptuar që ky është moment historik, nevojën për ta ndryshuar këtë sistem politik dhe zgjedhor që sot ka prodhuar banalitet sepse njerëzit janë të papërfaqësuar dhe s’ka as ide ideologjike, kam folur për institucione shtetërore që përdoren me besimin e madh se ne kemi gjithë fuqinë për ta ndryshuar këtë. Po ti Klevis, Sali, a ke fuqinë të hapësh rrugën dhe partinë tënde dhe të çlirosh opozitën? A ke fuqinë të bëhesh pjesë? Unë besoj që PS e ka këtë fuqi! Asnjë sulm s’më ndal dot se s’kam asgjë për të fshehur! Asnjë bedel që mendon se mund të dëmtojë! S’do t’ia dalë se do të hiqet si apendicit”, tha Spiropali.
“Pëllumbesha në Botën e Çudirave nuk meriton asnjë përgjigje”, kështu deklaroi kreu demokrat Berisha pas fjalës në kuvend të ish ministres Spiropali.
“Eliza, Pëllumbesha në Botën e Çudirave nuk meriton asnjë përgjigje. Kjo është replika ime ndaj saj. Kurse sot, problemi më madhor është barbaria që është ushtruar ndaj protestuesve. Një i ri po lufton për jetën në urgjencën e spitalit, i kanë thyer brinjët dhe i kanë shkaktuar pneumotoraks, ia kanë dëmtuar kafkën dhe e kanë futur në komë cerebrale, ndërkohë që këtu heronjtë e vërtetë shpallen terroristë. Nuk ka seancë më të padenjë se kjo seancë në historinë e parlamentit. Edhe njëherë ky parlament ka vetëm një rrugë, të shkrijë veten e vet pasi në mënyrë absolute nuk përfaqësoni vullnetin e qytetarëve. Kjo është e gjithë replika ime ndaj Pëllumbeshës në Botën e Çudirave“, u shpreh Berisha.
Discussion about this post