Ministrja e Shtetit për Marrëdhëniet me Parlamentin Elisa Spiropali replikoi me kryedemokratin Lulzim Basha në mungesë të kryeministrit Edi Rama i cili ndodhet në SHBA në kuadër të një vizite zyrtare.
Spiropali tha se Basha sot kërkon hetim nga drejtësia ndërkohë që vazhdimisht ka hedhur akuza se reforma në drejtësi është e kapur nga shumica, ndërsa i përmendi dhe çështjen e “Toyota Yaris”, ku Basha u mor në pyetje nga prokurorët belgë.
“Është i njëjti njeri që javë pas jave përsërit që reforma në drejtësi është e kapur nga shumica. Është po ai që flet për hetime nga institucione që janë krijuar nga vullneti i kësaj shumice. Për të parë si është drejtësia sot ne duhet të shohim si ishte drejtësia dje. Kush e mendonte që kryebashkiakë, udhëheqës politikë, ministra të merreshin në hetim e jo më të dilnin para gjykatës. Përsërit numra se nga matematika nuk merr vesh. Sot merret e pyetet nga prokurorë belgë dhe bën sikur nuk i ka thënë ky. Normal se nuk e di çfarë thotë. Nuk ishte replikë. Patjetër që ne lejuam të ngrihej komisioni për hetimin e procedurave, por në fakt është për menaxhimin e mbetjeve që ishte bërë mullar në këtë vend. Edhe pse ishte në hetim nga SPAK e morëm këtë vend për t’iu dhënë ju mundësinë sepse nuk kemi gjë për të fshehur. Drejtësia po bën punën e saj. Nëse ka pasur vepra të tjera penale e përcakton prokuroria. As ju dhe zonja Tabaku që bën si prokurore. Del e shpall njerëz fajtorë. Ne nuk çojmë njerëz në burg. Atë e bën drejtësia. Jemi ndarë nga ai sistem kur njerëz në pushtet qëndronin të paprekur”, tha Spiropali.
Më herët, Basha ka hedhur akuza të forta se babai i njërit prej deputetëve në Kuvend Alqi Bllakos paguhet 10 mijë euro në muaj, duke e krahasuar me pagën e 5 deputetëve në Kuvend, pasi është i përfshirë tek inceneratorët.
Discussion about this post