Ministrja Elisa Spiropali është përplasur pasditen e së enjtes në Parlament me kreun e demokratëve Sali Berisha. Spiropali e mori fjalën pas ish-kryeministrit Berisha i cili kritikoi qeverinë për situatën energjetike në vend dhe për situatën në të cilën ndodhen universitetet në një kohë që pedagogët janë ngritur në protestë.
Ministrja nuk harroi t’i përmendte Berishës marrëdhënien e tij me Lulzim Bashën që së fundmi po e akuzojnë për financimet ruse në PD.
“Sa shtëpi do të ndërtoheshin nëse borxhet e energjisë në 2013 nuk do të ishin 1.2 miliardë. Por në rast se ju nuk e kishit shitur të gjithë sistemin tonë energjetik te Cezi? Por në rast se nuk do të kishit futur sekserë gjithëfar soj për të privatizuar sistemin tonë energjetik? Do jepni ju përgjigje për këto? Apo do të flisni për vizitat tuaja nëpër zona si ata korbat që vijnë vërdallë për të gjetur raste…Që pas tërmetit janë ndërtuar me mijëra shtëpi, dhjetëra kopshte e çerdhe. Shkoni shihni si e latë Kamzën e si është sot. Një çerdhe të vetme publike nuk kishte. Ju i shihni njerëzit vetëm si vota dhe i përdorni si mishin për topin tuaj elektoral. Shkoni shihni Kamzën, Lezhën, Kavajën, Laçin dhe të gjitha që janë ngritur në këmbë pas një tërmeti shkatërrimtar. Te sulmet kibernetike nuk treguat asnjë kujdes as për faktin që Shqipëria është në një luftë, një sulm hibrid i paprovokuar. Po ju që e kryesoni këtë trupë keni edhe aleatët tuaj ata që navigojnë në oqeanin e madh të dezinformimit. Keni një hall, të shpëtojnë ju nga asgjësimi i plotë politik Ne do të vijojmë me aleatët ju vijoni me renegatët. Për sistemin e energjisë mund të të përmend edhe 50 për qind humbje në sistem në kohën tuaj. Si vini këtu e flisni për rrënim të sistemin energjetik. S’e di ku e gjeni këtë guxim. Ju se keni problem të përdorni qysqi e armë kundër partisë tuaj. Ju e mbronit Lul Bashën, i pastër si kristali. Ky me para ruse? PD që ka sjellë këtu lirinë e demokracinë? Ku e keni sot Lulin? Sot keni ngritur audit sa për të qeshur, për të gjetur rublat në xhepat e Lulit. Kjo është qesharake. Kjo nuk ju shkon juve që pretendoni se jeni një burrë shteti. As në makthin më të madh nuk qeverisni dot shqiptarët”, tha Spiroali.
Discussion about this post