Në mungesë të kryeministrit Rama, interpelancës me deputetin e PD-së, Agron Shehaj iu përgjigj ministrja e Shtetit për Marrëdhëniet me Parlamentin, Elisa Spiropali në lidhje me investimet strategjike dhe përfshirjen e bashkëshortit të ministres Olta Xhaça.
Spiropali tha se ai i ka gabim pyetjet dhe se ai është personi i gabuar për ti ngritur ato duke thënë se investimet strategjike janë detyrim ligjor.
“Do më dukej shumë normale të kërkohej nga të tjerë. Nga ata që kanë rrëmbyer flamurin e politikës, që falsin për ekonomi duke menduar xhepin e tyre. Dhe duke mallkuar gjithçka që nuk ka lidhje me xhepin e tyre. Mendojnë jo me logjikë për interesin vetjak. Ju Shehaj e keni njohur biznesin dhe po bëni këtë në politikë por ju dëshmoni moskuptim ose gjyq popullor si hetim për investimet strategjike. Po cënoni klimën e investimeve në vend. Vendimet për investimet strategjike janë vendime në parim që kalojnë në këshillin e ministrave. Është derivat i ligjit dhe jo një përfitim i ri. Po të kërkoni e gjeni”, tha Spiropali.
Sipas Spiropalit, Olta Xhaçka nuk është anëtare tek organi i dhënies së Investimeve Strategjike dhe nuk ka konflikt interesi.
“Nuk përfaqëson vendimmarrje të Komitetit të Investimeve Strategjike. Olta Xhaçka me shkresë zyrtare ka kërkuar që të mos marrë pjesë në Këshillin e Ministrave. Një individ nuk mund të ndikojë në vendimin kolegjial. Heqja dorë parandalon konfliktin e Interesit. Nuk po na e shpikni ju rrotën. Artan Gaci dhe Xhacka njihet nga të gjithë. Në asnjë rast nuk është fshehur që është në emër të tij. Sa i përket vendimit të Komitetit, janë të mbështetura në kuadër ligjor dhe subjekti i ka përmbushur kriteret. Është investim privat”, shtoi ajo.
Discussion about this post