Ministrja për Marrëdhëniet me Parlamentin, ka hapur Kongresin e Partisë Socialiste, i cili po mbahet në Pallatin e Kongreseve.
Ajo nuk i ka kursyer lavdet për kreun e partisë dhe të qeverisë, Edi Ramën, të cilin ajo më herët e kishte krahasuar me heroin tonë kombëtar, Skëndërbeun.
Ndër të tjera, Spiropali foli edhe për 10 milion turistët që erdhën në Shqipëri gjatë këtij viti, të cilët sipas saj nuk erdhën vetëm për shkak të një kryeministri të jashtëzakonshëm si Edi Rama, i cili nuk i la kusur ambasadorit rus në Këshillit të Sigurimit, por kanë ardhur të ndjellë nga një vend me dielli.
“10 milion turistë në një vit në Shqipëri nuk kanë ardhur vetëm të grishur nga një kryeministër i jashtëzakonshëm si Edi Rama, që si lë kusur ambasadorit rus në mes të mbledhjes në Këshillin e Sigurimit.
Ata kanë ardhur të ndjellë nga një vend me diell, dritë, shpresë dhe optimizëm, një vend dinamik, i sigurtë për të jetuar dhe me bukën e kripën më të lirë në Evropë.
Ndryshe prej tyre ne kemi lirinë për tu ndryshuar, korrigjuar, mësuar nga gabimet. Ata mbeten viktima të gabimeve të përsëritura. Asnjë lider tjetër sa Rama dhe organizatë tjetër politike nuk është treguar kaq e aftë dhe kaq këmbëngulëse në praktikën e vetëkorrigjimit. Sfida ynë është tërësi betejash të përditshme, të fitohen në mënyrë të njëpasnjëshme. Kjo sfidë kërkon reforma e vazhdueshme, në parti, qeveri e administratë. Një proces që duhej të ndodhte dje, siç ka ndodhur, dhe duhet të ndodhë është nesër, edhe më fort”, tha Spiropali”, tha ndër të tjera Spiropali.
Discussion about this post