Spiropali lëviz me makinën e “botës së krimit”, merr në përdorim BMW-në e sekuestruar nga OFL

Ministrja e Shtetit për Marrëdhëniet me Parlamentin, Elisa Spiropali ka marrë në përdorim një makinë të sekuestruar nga OFL, gjatë një operacioni kundër krimit të organizuar.
Sipas Report Tv, në raportin e Agjencisë së Aseteve të Sekuestruara e Konfiskuara rezulton se ministrja Spiropali ka marrë në përdorim një automjet BMV vit prodhimi 2009, ndërsa Këshilli i Lartë gjyqësorë një BMV vit prodhimi 2012.
Disa nga makinat e konfiskuara gjatë operacionit “Forca e Ligjit”, që janë provuar me vendim gjykate se janë krijuar përmes parave nga aktivitete kriminale, i kanë kaluar në përdorim shtetit.
Mes përfituesve është SPAK me dy automjete ndërsa Drejtoria e Policisë së Tiranë ka përfituar një fuoristradë të konfiskuar. OFL e mbylli misionin e saj më 31 dhjetor 2020 dhe nuk dërgon më formularë tek subjektet ndërsa ato procese të hapura në SPAK dhe GJKKO vazhdojnë edhe përtej këtij afati.