Ministrja Elisa Spiropali iu përgjigj akuzave të ish kryeministrit Sali Berisha në Kuvend në lidhje me projektin e Portit të Durrësit.
Spiropali deklaroi se bëhet fjalë për një investitor arab që vjen në Shqipëri me para të pastra nga puna e ndershme. Ajo theksoi se ky projekt do i rikthejë Durrësit shkëlqimin ekonomik.
“Ka para të pastra nga puna e ndershme. Është një nder për Shqipërinë. Do i japë Durrësit shkëlqimin ekonomik. Porti tregtar do bëjë punën siç e meriton Durrësi. Çfarë proteste do mbajë me 6 Dhjetor mund të na thoni. Këtej do diskutohet perspektiva europiane e Shqipërisë, në anën tjetër do kërcasin dajret e cetës. Ne themi këtë mos na e përjashtoni nga Europa. Kjo është protesta juaj?!
Si mundet t’i shkoni nga mbrapa një marrëzie të tillë që duket sikur është shkruar me dorën e atyre që Shqipërisë i janë vënë me bukë në trastë. Shqipëria do i realizojë premtimet e kësaj qeverie. Aeroporte, porte, rrugë zhvillimore, me gjithë këto pengesa dhe gjithë këtë baltë që nuk hezitoni t’ia hidhni në kurriz sa herë ju jepet mundësia”, tha Spiropali.
Discussion about this post