Edhe këtë hënë në mbledhjen e qeverisë në Kuvend, ka patur përplasje mes opozitës dhe mazhorancës. Teksa ka marrë fjalën, ministrja për Shtetin dhe Parlamentin Elisa Spiropali ka replikuar me kryedemokratin Basha, ku i ka theksuar se në asnjë vend të botës një kryetar opozite nuk del me të madhe dhe mohon arritjet e vendit. “Shqipëria nuk është në garë as me Zambian, as me Gjermaninë, por me rajonin, është në garë për të plotësuar detyrat me BE për integrimin e plotë ajo që ju treguat me foto nuk e di ku e keni gjetur ju e shikoni këtë gjëmë dhe nuk shikoni raportin e komisionit të bashkimit Evropian që e thotë shqip, që Shqipëria ka plotësuar të gjithë kushtet e vendosura në mars për konferencën ndër qeveritar. Dhe atdheu juaj i dytë Holanda i ka thënë po Shqipërisë, përkundër asaj që ju thoni këtu pa turp se Shqipëria nuk është gati për në BE”, ka replikuar ajo.
Spiropali në fjalën e s’ja theksin se Basha dhe të tjerët duhet të mbështeten në raport progresin e Komisionit Evropian dhe të mos akuzojnë për mosarritjen e standardeve dhe kushteve që duheshin për integrimin në BE.
“Shqipëria ka bërë përparim në drejtësi që ju e latë të zhytur kokë e këmbë, dhe vini këtu dhe flisni për korrupsionin por funksionarë të lartë të mos i shpëtojnë drejtësisë ne kemi bërë këtë reformë që njihet sot nga progres raporti më i veçantë. Nuk flitet për masakër zgjedhore, por për një proces të rregullt zgjedhor për zgjedhjet më të mira zgjedhore të bërë në vend. Shqipëria në këto raporte paraqitet si një vend ku krimi e korrupsioni bëjnë namin, por në këtë raport flitet për luftë dhe progres kundër krijimit dhe korrupsionit”, ka thënë ajo.
Në përfundim të fjalës, kryedemokrati Basha ka replikuar sërish deklaratën e ministres Spiropali, e cila hodhi poshtë raportet e cituara Basha, ku ndër të tjera Shqipëria renditej e fundit në Evropë për sundimin e ligjit.
Basha theksoi më tej se sado që qeveria mbron patronazhistët, nuk ka askush që i mbron, në ligj, në rrugë, apo kudo. “Që të rrimë drejt dhe të flasim drejt raporti i BE u ka thënë atë që iu ka thënë Ohihr që bletë vota dhe krijuat sigurimin e shtetit, patronazhistët. Sado që qeveria mbron patronazhistët, nuk ka askush që i mbron, në ligj, në rrugë, apo kudo. Sa për rajonin nuk jemi ne që e futëm Shqipërinë në këtë rajon, por jeni ju. Meqë ju këtë konsideroni rajonin e mirë i bëftë mirë hallva në Egjipt,” tha Basha.
Basha ka ironizuar duke thënë se “Kush mburret tavolinave se nxori 5 milion euro si drejtoreshë doganash”.
