Elisa Spiropali i është përgjigjur kreut të PD, Lulzim Basha, pasi ky i fundit i kujtoi kohën si drejtoreshë e Doganave dhe e akuzoi se ka vjedhur miliona lekë. Duke komentuar çështjen e legjitimitetit, Spiropali i përmendi Bashës një thënie italiane, që thotë: Nga diamanti nuk lind asgjë, nga plehu lindin lulet!
“Sa herë dilni e nisni me akuza, por sado tu përgjigjemi akuzave tuaja, nuk mund të jemi më transparentë, se akuzat që ju i keni vërtetuar njëri-tjetrit në këto pak muaj. Prandaj është kot që të vijmë këtu dhe tu përgjigjemi akuzave tuaja, që çdo herë janë të njëjtat, pa asnjë bazë, dhe janë vetëm për të konsumuar kohën tuaj. Ne jemi votuar dhe jemi këtu për të përfaqësuar shqiptarët si shumicë qeverisëse, ndërkohë ju në partinë tuaj nuk bëni asnjë akt politik për ta vënë në vend legjitimitetin tuaj si shumicë. Duke qenë se flisni për legjitimitetin, italianët kanë një thënie që është edhe këngë: Nga diamanti nuk lind asgjë, nga plehu lindin lulet!”, iu përgjigj Spiropali.
E gjitha nisi kur ministrja i tha kreut të PD-së se në sajë të përplasjeve, kanë humbur legjitimitetin në parti dhe nuk meritojnë replikat me shumicën.
Discussion about this post