Biznesmeni Italian Massimo Ferro ka ndërruar jetë pasi ngushtoi stomakun në spitalin TRITA HOSPITAL në Tiranë, me pronare në letra Lindita Hoxha. TRITA HOSPITAL është denoncuar në vijimësi për papërgjegjshmëri, mashtrim dhe ngatërrim të analizave, shmangie të protokolleve mjekësore, ndërsa dyshohet për pastrim parash.
Italiani vdiq më 22 dhjetor të kaluar në QSUT, disa ditë pasi kishte bërë ndërhyrjen kirurgjikale për ngushtimin e stomakut, me qëllim për të humbur peshë. Sipas denoncimit të familjes, asnjë nga procedurat e parashikuara nga udhëzimet italiane dhe ndërkombëtare për kirurgjinë e obezitetit nuk është respektuar. Udhëzimi i vetëm i dhënë kishte qenë që të qëndronte pa ngrënë që nga mbrëmja e një dite më parë.
Prokurori i Padovës, Andrea Girlando, ka regjistruar në listën e të dyshuarve mjekun kirurg Andrea Formiga dhe dietologen Alessandra Freda, të dy nga Lombardia. Andrea Formiga është lidhje e Lindita Hoxhës në Tiranë.
Kush qëndron pas Trita Hospital?
Në prill 2023, Lindita Hoxha themelon kompaninë e shërbimeve mjekësore Trita Hospital, me kapital 100 mijë lekë. Si administrator ortakja e vetme e kompanisë cakton Arli Sherifin.
Discussion about this post