Ndahet nga jeta në moshën 71-vjeçare ish-volejbollisti i njohur, Edmond Gjerazi. Gjerazi ka luajtur me ekipin e Dinamos, kampione, dominuese në vitet 70-të në Shqipëri dhe protagoniste në Europë.
I zbuluar nga trajneri Vangjel Koja, si përfaqësues i një brezi i ri, me volejbollistë të talentuar të shkollës dinamovite, Gjerazi ishte nga të parët që u alternua me sukses, me grupin e volejbollistëve të shquar, si Rusi, Shehu, Tartari, Lena, Panteqi, etj.
Me numrin 12-të, i fuqishëm, 1.84 cm, organizator, i përgatitur në sulm e mbrojtje, Edmond Gjerazi, shumë i ri, u shfaq, duke qenë një forcë, një element i rëndësishëm e kësaj skuadre, dhe i ekipit kombëtar për periudhën 1968-77.
I diplomuar në ILKF “Vojo Kushi”, pasi u nda me volejbollin, Mond Gjerazi, siç e thërrisnin miqtë, shokët, i tillë i njohur edhe në mjedisin sportive, vijoi të ishte aktiv, në rolin e trajnerit dhe si mësues i edukimit fizik në edukimin e brezave të rinj.
Discussion about this post