Ky është momenti kur shoferi qëllimshëm godet me veturën e tij pjesën e pasme të një autobusi dykatësh në Skoci, derisa kalimtarët e rastit shikonin me habi.
Pamjet janë filmuar nga një dëshmitar okular javën e kaluar në afërsi të Edinburgut të Skocisë, ku shihet një Dacia Duster e kaltër duke u përplasur në pjesën e pasme të autobusit dykatësh, që e godet 15 herë.
Në video shihet autobusi i ndalur në korsi në një rrugë të frekuentuar, ndërsa shoferi i makinës humb durimin dhe fillon qëllimisht ta godasë autobusin.
Pasagjerët e shokuar brenda autobusit, “shkundeshin” sa herë që me makinën e tij godiste mjetin e transportit.
Pamjet janë bërë virale në rrjetet sociale, ndërsa identiteti i shoferit të mjetit akoma nuk është zbuluar.
Discussion about this post