Një sher ka nisur në prime-n e mbrëmshëm në “Big Brother Vip” mes Donaldit dhe Einxhelit. Marrëdhënia e tyre ditët e fundit ishte përmirësuar disi, kjo pasi pavarësisht konflikteve dhe hatërmbetjeve, aktori i ka qëndruar shumë pranë moderatores në momentin e incidentit ku theu krahun. Ai është kujdesur shumë për të edhe gjatë natës si dhe është munduar që ajo që ndihet mirë. Po mesa duket, Einxhel nuk e ka vlerësuar këtë gjë. Ajo ka folur sërish për Donaldin madje kësaj here e ka tejkaluar. Ajo është shprehur se Donaldi është bërë i njohur nga ish e dashura e tij, Bora Zemani.
E teksa kjo video është transmetuar në natën live, aktori është shokuar nga kjo deklaratë. Ata kanë debatuar duke nxjerrë në pah dhe konfliktin e hershëm të tyre jashtë “BBV”, ku Einxhel ishte në varësi të vëllezërve binjak, Donaldit dhe Romeos, në emisionin “Binjakët Show”.
Ajo ka treguar se çunat e kanë pushuar nga puna dhe nuk e kanë paguar pasi kjo nuk kishte shkuar, por pas kësaj neglizhence fshihej një aksident që ajo kishte pësuar. Por Donaldi tha se arsyeja ka qenë se Einxhel nuk kishte qenë korrekte në punë.
Regjisori i programit “Binjakët Show”, Kreshnik Saraçi ka reaguar lidhur me debatin e ashpër që ndodhi dje mes Donaldit dhe Einxhel në shtëpinë e Big Brother Vip. Regjisori shprehet se arsyeja e shkëputjes së bashkëpunimit ka ardhur nga fakti se Einxhel nuk ka respektuar oraret. Ky postim është rishpërndarë dhe nga Romeo në profilin e tij.
“Kam qenë regjisor i “Binjakët Show”. Për sa i përket debatit të mbrëmshëm midis Donaldit dhe Einxhel në Big Brother Albania VIP, ndjej detyrimin të mbaj një qëndrim për të mirën e asaj që jo gjithë çfarë thuhet duhet përtypur. Einxhel nuk ka qenë korrekte me oraret. Kjo ishte arsyeja e shkëputjes së bashkëpunimit.”, shkruan ai.
Discussion about this post