Infrastruktura hekurudhore në vendin tonë sa vjen dhe degradohet dita ditës. Degradimi total ka përfshirë hekurudhat shqiptare, një sistem transporti që duket se ekziston vetëm në fotografi por edhe kujtesën e të moshuarve, pasi tani është pothuajse inekzistent.
E njëjta situatë është në stacionin e trenit në qytetin e Lezhës, ku prej 15 vitesh në këtë stacion flet vetëm heshtja.
Qytetarët e Lezhës, shprehen se në rininë e tyre këtë vend e mbajnë mend të populluar dhe treni teksa kalonte jo më pak se 4 ose 5 herë në ditë.
“E mbaj mend të populluar, treni kalonte 4 herë në ditë. Ndërsa, sot është si gërmadh. Keq na vjen, por shteti ndoshta s’ka mundësi ta bëj por në bashkëpunim me popullin, duhet bërë. Gjendja në të cilën ndodhet është e degraduar, por edhe ne si p opull jemi të pakujdesshëm sepse e hedhim mbeturinën kudo” – u shpreh qytetari.
Qytetarët e Lezhës bëjnë apel që institucionet përgjegjëse më në krye qeverinë, të investojnë dhe të kthejnë udhëtimet në tren.
Të moshuarit shprehen se në kohën e tyre, treni ka qenë mjaft i frekuentuar, ndërsa sot ka ngel i harruar mes rrënojave.
Godina e stacionit të trenit ka dalë jashtë funksionit dhe shërben si një vend grumbullimi mbetjesh
