Për ndeshjen me Bylisin sot në orën 16:00, e para në stadiumin e ri, hyrja do të jetë me bileta.
Prej ditësh Partizani ka publikuar çmimet e tyre, që do të jenë modeste në krahasim me sfidat e tjera të luajtura nga “demat” në kryeqytet.
Një biletë në tribunën përballë kushton 300 lekë të rinj, ndërsa tek ajo qendrore, 1000 lekë të rinj.
Biletat i gjeni në pikën e shitjes në stadiumin “Selman Stërmasi”. Stadiumi i ri i Partizanit mund të jetë vend i panjohur për një pjesë të tifozëve. Ai ndodhet në zonën e quajtur “Kafja e Rremës”, shumë pranë Drejtorisë së Përgjithshme të Burgjeve.
Për ata që përdorin transportin publik, mund të udhëtojnë me urbanin e Tufinës dhe të ndalojnë në stacionin e dytë pas Komisariatit nr.4.
Më pas duhet të drejtohen djathtas në rrugën “Rexhep Tarja” ose “Zef Serembe”.
Të dyja të çojnë te stadiumi.
Discussion about this post