Prej ditësh ka një debat lidhur me mënyrën se si SPAK dhe më pas GJKKO vendosën dy masa sigurie ndaj ish-Kryeministrit Sali Berisha, “detyrim paraqitje” dhe ndalim të daljes jashtë vendit, pa marrë më parë një autorizim nga Kuvendi.
Disa e konsiderojnë këtë vendimmarrje si një standard të ri të vendosur nga SPAK, duke anashkaluar kështu Kuvendin, në rastin e kufizimit të lirive për deputetët. Të tjera e trajtojnë si një shkelje të mirëfilltë kushtetuese.
Në emisionin Open, Enno Bozdo, anëtar i Kryesisë së PD-së që drejtohet nga Sali Berisha, ka debatuar me gazetaren Klodiana Lala, pikërisht nëse kemi të bëjmë me një standard, që ka frikësuar politikanët, sikundër shprehet gazetarja, apo me një shkelje Kushtetuese.
Pjesë nga debati:
Bozdo: Ju e paragjykoni zotin Berisha…
Lala: Jo! të lutem të mos kalojmë degë më degë. Në këndvështrimin tim Berisha është i pafajshëm, derisa gjykata ta vendosë. Prokuroria thotë se trashëgimtarët e 5 familjeve kishin informacion për ato çfarë ndodhte brenda institucioneve…
Bozdo: Nuk ishte kjo pyetja.
Lala: Unë nuk jam prokuror.. SPAK në momentin konkret ka vendosur një standard të ri. Standardi që është ndjekur në rastin e Berishës nga SPAK ka frikësuar politikanët e tjerë.
Bozdo: Nëse ka thënë Rama se ka frikë, e pranoj.
Discussion about this post