Kryeministri britanik, Keir Starmer, është zotuar të mbyllë rrugët që kalojnë përmes Ballkanit Perëndimor, të cilat po përdoren nga trafikantët për të dërguar emigrantë të paligjshëm drejt Mbretërisë së Bashkuar.
Ai i tha gazetës The Sun se trafikantët kanë ndërtuar një perandori kriminale që shtrihet në të gjithë Evropën, të cilën Britania duhet ta shkatërrojë. Starmer do të takohet sot me udhëheqës rajonalë për të diskutuar masat kundër bandave të kontrabandës dhe për të forcuar sigurinë kufitare.
“Ekziston një autostradë kriminale që kalon përmes Ballkanit Perëndimor, duke çuar emigrantët e paligjshëm drejt Mbretërisë së Bashkuar. Detyra jonë është ta mbyllim dhe të shkatërrojmë bandat që e drejtojnë,” tha Starmer.
Ai gjithashtu kritikoi ata që, sipas tij, kanë “hedhur fyerje” ndaj vendeve si Shqipëria në vend që të bashkëpunonin për kontrollin e emigrantëve. Britania ka vendosur dronë në pikat kyçe të Ballkanit për të ndaluar kontrabandistët në vendngjarje. Zyrtarët e Ministrisë së Brendshme thonë se rreth 25% e mbërritjeve me varka të vogla kalojnë përmes Ballkanit.
Discussion about this post