Fillimi perfekt i sezonit ka bërë që trajneri serb i Skënderbeut, Ivan Gvozdenoviç, të shpërblehet me një rinovim të mirë të kontratës së tij.
“Ivani i Tmerrshëm” do të jetë trajner i bardhekuqve edhe për tre vite të tjera. Ish-lojtari i Club Brugge, tashmë teknik i ekipit korçar, ka fituar besimin e drejtuesve të klubit, të cilët i kanë ofruar një kontratë të re, të vlefshme deri në verën e 2026-ës.
Gvozdenoviç riktheu Skënderbeun në Kategorinë Superiore, pas një viti në të parën, teksa starti i korçarëve ishte perfekt, me dy fitore dhe 6 pikë të plota.
Tekniku serb ia ka dalë të ndërtojë një ekip simpatik dhe konkurrues, ndonëse me shumë lojtarë të rinj në organikë.
Pikërisht puna e mirë ka bindur drejtuesit e Skënderbeut që t’i zgjatin bashkëpunimin, teksa rinovimi është zyrtarizuar edhe në faqen e klubit korçar në rrjetet sociale./SSA
https://www.instagram.com/p/Cwz63H8qpwP/?utm_source=ig_embed&ig_rid=9d5b4be7-ae21-4f55-9fee-426520f89260
Discussion about this post