Kombëtarja e Shqipërisë ka zbritur këtë mbrëmje në ‘Air Albania’ për tu përballur me Andorren në ndeshjen e fundit kualifikuese të ‘kuqezinjve’ për eliminatoret e Botërorit Katar 2022.
Minutat e para do të sillnin rrezikimin e portës së Kombëtares shqiptare, ku Andorra fiton një rivënje këndore, por grushtimi i Strakoshës largon rrezikun.
Vazhdimi i ndeshjes e gjen formacionin e Rejas të mobilizuar në sulm, ku minuta e 11’ falë një rivënie anësore të nisur nga Hysaj për Hoxhallarin, adrministrohet më së miri nga Roshi duke rrezikuar portën kundërshtare, por duke u ndalur nga mbrojtja e Andorrës.
Kundërsulmi i miqve do të ishte mjaft i ‘hidhur’ duke goditur portën e Strakoshës, por ky i fundit grushton, dhe pas goditjes së këndit, Uzuni largon rrezikun drejt mesfushës.
Minuta e 40’ skuadra Shqiptare shkon shumë pranë golit, me Uzunin që godet portën kundërshtare, por topi do të shkonte në këmbët e Çekiçit, por dhe ky i fundit në pamundësi për të ndryshuar shifrat.
Pjesa e parë u mbyll me rrjetat e paprekua, dhe menjëherë me fillimin e pjesës së dytë, të besuarit e Rejas do të rrisnin presionin mbi kundërshtarët me Seferin që falë një topi të fituar nga thellësia e fushës, do të gjëndej përballë portierit Gomes, por gjithçka përfundon me një goditje fundore.
Nervozizëm do të kishte sërish në fushë, ku kundërshtari Ubach , pas një debate me Laçin në fushë, do të ndëshkohej me karton të verdhë në minutën e 60, moment ky që do të shfrytëzohej më së miri nga Bajrami, që i gjendur përballë portierit, godet por pa mundur të finalizojë.
Myrto Uzuni do të fitonte një 11 metërsh mes shumë polemikave në fushë, ku nuk munguan as kartonat e verdhë, ndërsa nga pika e bardhë e penalltisë, Çekiçi do të gjente golin e parë me Kombëtaren, për ta dërguar atë në avantazhin 1-0.
Discussion about this post