“Sterilizimi”, Ilir Beqaj del me valixhe nga SPAK: Është dosje voluminoze

Ish-ministri i Shëndetësisë Ilir Beqaj, është filmuar teksa dilte me një valixhe me dokumente nga SPAK.

Ilir Beqaj u paraqit në gjykatë me valixhe, për të marrë aktet hetimore të dosjes së Sterilizimit, për të cilën akuzohet për shpërdorim detyre.

Vetë Beqaj tha për mediat se dosja është shumë e madhe.

Fillimisht Beqaj refuzoi që të paguante shumën prej rreth 10 milionë lekë për të marrë këtë dosje. Më pas, me një vendim të dytë, Gjykata ia vuri në dispozicion.

Hetimet ndaj tij janë mbyllur dhe është pritet vendimi i Gjykatës së Posaçme për të kaluar ose jo çështjen në gjykim themeli. Në seancat e zhvilluara, gjyqtari paraprak ka qenë kritik ndaj qëndrimit të SPAK, duke konkluduar një farë amnistia të Prokurorisë së Posaçme ndaj ish-ministrit të Shëndetësisë.