Kryeministri Edi Rama vijon të mbrojë koncensionin e sterilizimit, edhe pse SPAK nga hetimet e kryera, përtej faktit se ka vendosur nën hetim ish-ministrin e Shëndetësisë, Ilir Beqaj, si dhe ka në burg ish-zv.ministrin Klodjan Rrjepaj dhe biznesmenin Ilir Rrapaj, ka dalë në konkluzionin për fryrje të kostove dhe faturave financiare.
Por sipas Ramës ajo çka SPAK thotë është një opinion jo i mjaftueshëm që Qeveria të investohet përballë një të vërtete absolute.
“Është një opinion i akuzës. Nuk janë opinionet e akuzës të mjaftueshme që të investohet qeveria përballë një të vërtete absolute. Është një ndër proceset që unë si komentoj, sa i përket asaj që lidhet drejtpërdrejt me qeverinë. Unë besoj fort se sterilizimi është një nga reformat më të rëndësishme në kantierin e shëndetësisë dhe ka sjellë një transformim cilësor absolutisht të pamohueshëm në rrethin e mjekësisë. Llogaritë e faturave nuk më takon mua t’i bëj. Në vijim sipas të dhënave më të konsoliduara do bëjmë diskutimet dhe analizat tona.
Ka dhe në analizë tjetër që se kam bërë unë, por dikush që nuk është kritike dashamirëse e kësaj qeverie, dhe del diçka për të cilën jam bërë kurioz, përfitimi i shtetit nga ky partneritet është më i madh se sa të gjitha ryrjet që mund të marrim për të mirëqena. Dhe është vërtetë një përfitim i madh financiar, sepse janë kursyer një mesatare prej 2 ditësh shtrim spitalor për individë që kanë kaluar operacione kirugjikale.
Ato kosto janë kosto spitali, buxheti por po t’i llogarisni del pak më ndryshe. Për pjesën e faturave s’është fare puna ime, maksimumi që mund të jap ndonjë ide më shumë si profesionist është po të më nxirrni përpara ndonjë pikturë”, tha Rama.
Discussion about this post