Është shtyrë për më datë 3 qershor seanca paraprake ndaj Ilir Beqajt për dosjen e “Sterilizimit”.
Ish-ministri i Shëndetësisë kërkoi më shume kohë për t’u njohur me aktet voluminoze.
Kujtojmë se SPAK ka mbyllur hetimet dhe ka dërguar dosjen në Gjykatë, aty ku bashkë me Beqaj do të sqarojë pozicionin e tij, pasi më parë është pyetur me javë të tëra në Prukurorinë e Posaçme.
Ish-ministri akuzohet për veprën penale shpërdorimi i detyrës, ndërsa do të jetë në bankën e të akuzuarve së bashku me ish-zëvendësin, Klodian Rrjepaj dhe biznesmenin Ilir Rrapaj që mori kontratën.
Hetimet për koncesionin e sterilizimit janë kryer nga prokurorët Edvin Kondili dhe Ened Nakuçi, ndërsa SPAK akuzon për shkelje me vlerë 100 milionë euro.
Prokuroria thotë se në dhënien e koncesionit të akuzuarit nuk kanë respektuar ligjin dhe kanë shpërdorur detyrën. Ndër gjetjet e konstatuara nga SPAK janë edhe procedurat e ndjekura për fituesin por dhe mos realizimi i kushteve të parashikuara në kontratë.
Discussion about this post