Prokuroria e Posçame ka nisur marrjen në pyetje të dy të arrestuarve për koncesionin e sterilizimit, biznesmenin fitues të tenderit, Ilir Rrapaj dhe ish-zv.ministrin e Shëndetësisë, Klodian Rjepaj.
Pyetja e tyre po bëhet në cilësinë e personit nën hetim.
Aktualisht në burg po pyetet Klodian Rjepaj.
Kujtojmë se për sterilizimin janë nën masën e arrestit me burg Rjepaj e Rrapaj, dy persona të tjerë janë nën masën e sigurisë “Arrest shtëpie” dhe 4 të tjerë nën masën “Detyrim paraqitje”.
Biznesmeni Rrapaj, fitues i koncesionit 100 mln euro akuzohet për mashtrim dhe ka njohje me ish-ministrit e Shëndetësisë, Ilir Beqaj, si edhe me ish-zëvendësministrin, Klodian Rrjepaj.
Sipas njoftimit zyrtar të SPAK, Rrjepaj akuzohet për veprat penale të “falsifikimit të dokumenteve” dhe “shpërdorimit të detyrës”.
Nën hetim për koncesonin është edhe ish-ministri, Ilir Beqaj, ndaj të cilit është caktuar masa e sigurisë “detyrim paraqitje” dhe bllokim pasaporte.
Ditën e djeshme (9 Janar) ai u mbajt 9 orë në Prokurorinë e Posaçme ku u pyet në lidhje me koncesionin e sterilizimit.
Discussion about this post