Sulmuesi i Manchester Cityt, Raheem Sterling , ishte i pranishëm së bashku me Pep Guardiolën në konferencën për shtyp në prag të ndeshjes kundër Real Madridit, ndeshjen e parë gjysmëfinale të Champions League.
“Ne gjithmonë luftojmë për të fituar trofe të mëdhenj, ky është i vetmi që nuk kemi. Është një konkurs i veçantë, të gjithë ëndërrojnë të luajnë në këtë kompeticion. Gjithçka është e veçantë.”
E ardhmja: Për momentin jam shumë i lumtur këtu, dua të ndihmoj skuadrën. Do të ishte egoiste të flasim për një kontratë të re tani, do të shohim në fund të sezonit.
Unë jam një sulmues, nëse luaj, shënoj ose asistoj, jam i lumtur. Mundohem të ndihmoj sa më shumë, nuk mund të kërkoj më shumë.”
Real Madrid dhe rikthimet: Në ndeshjet e fundit kam shënuar disa gola në minutat e fundit. E di presionin, di si ta përballoj. Ne e dimë se sa i fortë është Real Madridi në këtë kompeticion dhe ne do bëjmë maksimumin për të arritur në finale.
Benzema: Për mua ai është një top lojtar. Ai ka luajtur në nivele shumë të larta për një kohë të gjatë.
Discussion about this post