Partizani ka nisur përgatitjet në prag të ndeshjeve të UEFA Conference League. Lojtarët po marrin ngarkesë fizike, pas periudhës së pushimit.
Ata janë shfaqur ditën e sotme te Kodrat e Liqenit Artificial dhe kanë bërë vrapime. Klubi i kuq ka dalë me njoftim dhe bën me dije se pritet që ekipi të zhvendoset në Ohër ditët në vijim.
Datë nuk ka, sikurse nuk zbulohen as miqësoret që do të zhvillohen. Gjithsesi tifozët më së shumti i shqetëson skuadra e sezonit të ri.
Shumë lojtarë nuk janë nën kontrata dhe sot nuk janë paraqitur në stërvitje. Në kampin e kuq janë munduar të mbajnë “top sekret” emrat e lojtarëve që u stërvitën sot.
Në faqen zyrtare të klubit janë publikuar vetëm foto ku fytyrat e lojtarëve nuk shihen, çka është vënë re edhe nga tifozët, që kanë lënë edhe komentet e tyre ne faqen e Partizanit në “Facebook”.
