Skuadra olimpike shqiptare që aktualisht ndodhet në Japoni është duke zhvilluar të gjitha përgatitjet e nevojshme për ‘Tokio 2020’, që pritet të fillojë zyrtarisht ditën e nesërme, pra më 23 korrik.
Të vetmit që ende nuk ndodhen atje janë qitësja Manuela Delilaj dhe atleti Izmir Smajlaj, të cilët pritet që të mbërrijnë atje në orët në vijim.
Ekipi kuqezi është duke vijuar normalisht stërvitjen dhe i pari që do garojë nga grupi i Shqipërisë është gjimnasti Matvei Petrov, më 24 korrik.
Nga Tokio mësohet se çdo ditë sportistët dhe trajnerët bëjnë teste anti-Covid dhe deri më tan inga delegacioni shqiptar gjithçka ka qenë në rregull. Rikujtojmë se ata u vaksinuan një muaj më parë me të dyja dozat e Pfizer, si një masë e domosdoshme e ‘Lojërave Olimpike’./Gijotina.com
