Dy helikopterë britanike “Merlin” kanë zbarkuar këtë të Dielë në sheshin “Skënderbej”.
Përmes tre rrotullimeve në hapësirën ajrore të kryeqytetit u tregua bashkëpunimi mes dy vendeve, por edhe lajmërimi për nisjen e stervitjes ushtarake.
Me flamurin britanik dhe atë shqipta, përfaqësues të lartë të dy shteteve shpalosën flamujt.
Komandanti i forcave tokësore shqiptare, Ilir Xhebexhia bëri me dije se stërvitja do të vijoje deri në muajin Prill të këtij viti.
”Këto aktivitete do vazhdojnë duke filluar nga muaji janar deri në muajin prill’’, tha Xhebexhia.
Komandati i Task Forcës të trupave Amfibe Sam Stephens në fjalën e tij u shpreh se viti 2024 shënon 15 vjetorin e anëtarësimit të Shqipërisë në NATO.
”Viti 2024 shënon 15 vjetorin e anëtarësimit të Shqipërisë në NATO dhe Britania është krenare që po punon me Shqipërinë’’, tha Stephens.
Dy anije ndihmese të Flotës Mbretërore, tre helikopter Merlin dhe një kontigjent komandosh të Marinsave Mbretërore kanë mbërritur tashmë në Shqipëri.
Discussion about this post