Steven Gerrard do të marrë përsipër rolin e trajnerit te ekipi i Ligës Saudite të Futbollit, Al Ettifaq.
Kjo do të jetë puna e parë e ish-kapitenit të Liverpool që kur u largua nga Aston Villa tetorin e kaluar.
Gerrard fillimisht refuzoi ofertë nga klubi pas udhëtimit në Arabi Saudite për bisedime muajin e kaluar. Megjithatë, diskutimet rifilluan javën e kaluar dhe figurat e larta të klubit tani janë gjithnjë e më të sigurt për të afrimin e tij.
Para se të drejtonte Aston Villën, Gerrard kishte një periudhë trevjeçare në krye të Rangers, klub të cilin ai e udhëhoqi drejt titullit kampion në Skoci në sezonin 2020-21.
Ministria e Sportit e Arabisë Saudite njoftoi më 5 qershor se Fondi i Investimeve Publike të vendit (PIF) do të marrë kontrollin e katër skuadrave në Saudi Pro League.
PIF, e cila zotëron 80 për qind të aksioneve në skuadrën e Premierligës, Newcastle United, ka, gjithashtu, kontrollin e 75 për qind të Al Ittihad, Al Ahli, Al Hilal dhe Al Nassr, me 25 për qind të tjera të kontrolluara nga një organizatë jofitimprurëse.
Al Ettifaq, me qendër në qytetin e Dammam, nuk është një nga katër klubet e PIF.
Qeveria saudite njoftoi planet si pjesë e projektit të vendit ‘Vision 2030’.
Në janar, Cristiano Ronaldo iu bashkua Al Nassr-it, ndërsa Al Hilal bëri përpjekje për të firmosur me Lionel Messin (ambasadori i Turizmit për Arabinë Saudite) me një kontratë 400 milionë euro në vit përpara se ai të vendoste të bashkohej me Inter Miami.
Karim Benzema përfundoi një lëvizje te Al Ittihad muajin e kaluar, ku do të luajë nën drejtimin e ish- menaxherit të Premier League, Nuno Espirito Santo, te kampionët e Pro League.
Discussion about this post