Ditën e sotme është mbledhur Komisioni për Edukimin dhe Mjetet e Informimit Publik, ku po zhvillohet një dëgjesë me ministren e Arsimit, Evis Kushi.
Deputeti i Partisë Demokratike, Luçiano Boçi i propozoi ministres Kushi që të falë tarifat studentore, me qëllim stimulin e vaksinimit.
“Kam një propozim. Falja e tarifave është një stimul shumë i mirë për vaksinimin. Ajo që thatë më bën të dyshoj se ju jeni kaotike në atë që thoni. Këto janë politika që kanë synime të caktuara. Kënga jote është kënga e mjerimit të arsimit. Kush është rezultati, fëmijët tanë nuk janë më të arsimuarit”, tha deputeti demokrat.
Sipas rendit të ditës, pas ministres Kushi në Komision do thirret për dëgjesë ministrja e Ekonomisë Delina Ibrahimaj për të diskutuar rreth fondit që është parashikuar në projekt buxhet për arsimin profesional. Pas ministres, do zhvillohet një tjetër seancë dëgjimore me rektorin e Akademisë së Studimeve Albanalogjike, Luan Përzhita, për diskutimin në parim të projektligjit ”Për Buxhetin e Vitit 2022” .
Discussion about this post