Sekretari i Përgjithshëm i NATO, Jens Stoltenberg, ka deklaruar ditën e sotme se ata kanë përgjegjësi që të mos lejojnë zgjerimin e luftës përtej Ukrainës. Duke folur gjatë një konference të përbashkët për shtyp në Riga me presidentin letonez Egils Levits të martën, Stoltenberg vuri në dukje se vuajtja që shohim tani në Ukrainë është e tmerrshme”
“Ne kemi përgjegjësinë për të siguruar që konflikti të mos përshkallëzohet dhe të mos përhapet përtej Ukrainës. Kjo do të ishte edhe më e rrezikshme, shkatërruese dhe akoma më vdekjeprurëse. Situata mund të dalë jashtë kontrollit”, tha Stoltenberg.
Ai tregoi ndër të tjera se, në përgjigje të situatës dhe për t’u siguruar se nuk ka vend për llogaritje të gabuara në Moskë, NATO ka forcuar ndjeshëm praninë e saj në pjesën lindore të aleancës.
Discussion about this post