Sekretari i Përgjithshëm i NATO-s, Jens Stoltenberg ka zhvilluar një bisedë telefonike me presidentin e Serbisë, Aleksandar Vuçiç. Mësohet se në telefonatë ata kanë biseduar për trazirat e ndodhura në veri të Kosovës, ku serbë bllokuan rrugët për të kundërshtuar vendimin e qeverisë për targat.
Stoltenberg ka paralajmëruar kreun e shtetit serb, se nëse do të cënohet stabiliteti i Kosovës, forcat Euroatlantike janë të gatshme të ndërhyjnë.
Detajet e bisedës mes Stoltenberg dhe Vuçiç janë bërë të ditura në Twitter.
“Fola me Presidentin e Serbisë, Aleksandar Vuçiç për tensionet në veri të Kosovës.Të gjitha palët duhet të angazhohen në dialog konstruktiv të ndërmjetësuar nga Europa dhe të zgjidhin diferencat përmes diplomacisë. NATO dhe KFOR janë gati për të ndërhyrë nëse stabiliteti rrezikohet.”-shprehet Stoltenberg.
Discussion about this post